Infoditë dhe punëtori për programin Evropë krijuese-nënprogram KulturëShkup, 25 maj 2016 (MIA) - Infoditë dhe punëtori për programin Evropa Krijuese - nënprogrami Kulturë sot në BKU "Shën Klimenti i Ohrit" do të organizojnë zyrat e këtij programi pranë Ministrisë së Kulturës së RM-së dhe të Mbretërisë së Belgjikës.
Do të prezantohet përvoja belge dhe dy projekte të suksesshme të mbështetura nga Evropa Krijuese (Blekbord projekt muzikor i rinisë muzikore të Maqedonisë dhe platforma poetike "Versopolis" në Netët strugane të poezisë).
Ngjarjen do ta hapin përfaqësuesit e zyrave për Evropë krijuese - Kultura nga Maqedonia dhe Belgjika, Biljana Prentoska dhe Gudrun Hejmans.
Në sesionin e dytë nga infodita do të ketë punëtori dedikuar për pjesëmarrësit e interesuar, me qëllim të përgatiten për thirrjen e ardhshme për aplikim për kategorinë "Projekte - për bashkëpunim". Aplikacionet deri te Agjencia ekzekutive për arsim, veprimi audiovizuel dhe kulturë pranë Komisionit Evropian duhet të dorëzohen deri më 5 tetor të vitit 2016.
"Kjo është ngjarja e parë e përbashkët e dy zyrave kombëtare qëllimi i të cilave është ta përforcojë bashkëpunimin midis operatorëve kulturorë nga dy vendet në kuadër të bashkëpunimit evropian kulturor", informon Ministria e Kulturës.
|