Në KSHZ deri më tani janë paraqitur 7.931 votues kontestues, afati skadon sot

Shkup, 19 gusht 2016 (MIA) - Deri në orën 12 sot, në Komisionin Shtetëror Zgjedhor janë paraqitur gjithsej 7.931 qytetarë rregjistrimitet e të cilëve në Listat zgjedhore pas kontrolleve të kryqëzuara dhe kontrolleve në terren janë kontestuese, respektivisht ka mospajtime në të dhënat. Afati për paraqitjen e votuesve kontestues në zyrat e KSHZ-së skadon sot në orën 19, ndërsa aplikimet elektronike do të jenë të hapura deri në orën 24:00.

Prej gjithsej të paraqiturve deri më tani, 3.376 e kanë bërë paraqitjen në repartet rajonale dhe në zyra si dhe në zyrat shtesë të KSHZ-së, ndërsa 4.555 e kanë përdorur veb aplikacionin e faqes së internetit të KSHZ-së.

U publikuan emrat e 39.502 votuesve të cilët llogariten si kontestues në Listën zgjedhore.

Pas skadimit të afatit për paraqitje të qytetarëve, KSHZ-ja ka në disponim 10 ditë që të bëjë kontroll shtesë ose personalisht të kontaktojë me votues kontestues. Nëse nuk paraqiten në afatin e paraparë votuesit kontestues nuk do të rregjistrohen në Listën zgjedhore, por do të kenë mundësi atë ta bëjnë gjatë kohës së ekspertizës publike të listave para zgjedhjeve parlamentare.