Manifestim letrar "Nëna e dashurisë së paqes" për nder të 106-vjetorit të lindjes së Nenë Terezës Shkup, 31 gusht 2016 (MIA) - Me rastin e 106 vjetorit të lindjes së Anjezë Gonxhe Bojaxhiu - Nënë Tereza dhe në prag të shenjtërimit të saj në mbështetje të Komunës së Çairit, në Galerinë Kombëtare të Arteve në Shkup-"Hamami i Daut Pashёs" u organizua manifestim letrar "Nëna e dashurisë së paqes" .
Në këtë manifestim, siç citohet në njoftimin e komunës, morën pjesë poetë nga: Kosova, Shqipëria dhe Maqedonia.
Valbona Zunqe –Pajaziti ideatore dhe organizatore e këtij projekti tha se Gonxhja jonë ishte një qenje njerëzore e imët nga trupi por me një shpirt të madh dhe emër gjigant në damarët e së cilës gjatë gjithë jetës kishte qarkulluar gjaku shqiptar.
Kryetari i këshillit komunal të Komunës së Çairit, Zahir Bekteshi tha se në shënimin e kësaj ditlindjeje i dedikohet një zonje të madhe, nga sfera e humanitetit, tolerancës, mirëkuptimit dhe dashurisë.
Për nder të 106 vjetorit të lindjes dhe në prag të shenjtërimit të Nënës Terezë me zërin e tyre këngëtarë dhe poetë i kënduan punës dhe virtytit të saj.
|