"Arka" lëndë e re e PSP, të dyshuar tre persona nga DSK dhe një nga MPB

Shkup, 28 shtator 2016 (MIA) - "Arka" është lënda më e re e Prokurorisë Speciale Publike që e ka publikuar sot, ndërsa ka të bëjë me krimin ekonomik, i cili del nga materialet e përgjuara.

Prokurorja Fatime Fetai në konferencën për shtyp informoi se kjo lëndë ka të bëjë me keqpërdorim të ashpër të mjeteve nga Buxheti i Republikës së Maqedonisë nga ana e tre personave drejtues në Drejtorinë për Sigurim dhe Kundërzbulim dhe një person drejtues në Ministrinë e Punëve të Brendshme.

Siç tha, ata e kanë dëmtuar Buxhetin e RM-së për 862.042 euro në dobi të personit juridik Finzi SHPKNJP Shkup.

Kjo është lënda e gjashtë e PSP. Deri më tani ka hapur pesë procedura hetuese "Titanik", "Tortura", TNT", Fortesa" dhe "Transportues", ndërsa ka parashtruar edhe dy akuza.