Aksioni humanitar "Për lumturi fëminore nuk duhet shumë" Shkup, 6 dhjetor 2016 (MIA) - QT Ramstor në bashkëpunim me Kryqin e Kuq të qytetit të Shkupit tradicionalisht organizon aksion humnitar për fëmijët që janë të akomoduar në familje përkujdesëse të quajtur si "Bredhi magjik i Vitit të Ri".
Këta fëmijë dje i shprehën dëshirat e tyre në fletushka në formën e zbukurimeve të bredhit që u vendosën në bredhin magjik i cili është vendosur në këtë qendër tregtare.
Vizitorët në qendër do të mund të tregojnë anën e tyre humanitare dhe të realizojnë të paktën një dëshirë të këtyre fëmijëve, të shkruar dhe të vendosur tek bredhi.
Aksioni zgjat deri më 27 dhjetor kur edhe dhuratat do t'i ndahen fëmijëve të lumtur.
|