Zaev u takua me partnerët e koalicionit të LSDM-së Shkup, 27 shkurt 2017 (MIA) - Kryetari i LSDM-së Zoran Zaev sot u takua me kryetarët e partnerëve të koalicionit të LSDM-së. Në takim, siç kumtoi LSDM-ja, të gjithë partnerët nga koalicioni i kanë dhënë mbështetje kryetarit të LSDM-së, Zoran Zaev të jetë mandatar për krijimin e qeverisë së re të Republikës së Maqedonisë. "I përbashkët është vlerësimi se kryetari i LSDM-së zhvillon politika të ndërgjegjshme, mençura dhe përgjegjëse në pajtim me Kushtetutën, në bisedimet për sigurim të shumicës së re parlamentare dhe për krijim të qeverisë së re", qëndron në kumtesën e partisë. LSDM-ja dhe partnerët e koalicionit presin që presidenti Gjorge Ivanov menjëherë t'ia japë mandatin Zaevit për krijimin e qeverisë së re, pasi janë mbledhur 67-të nënshkrime deputetësh.
|