Shkup, 20 mars 2017 (MIA) - Rreziku më i madh për Maqedoninë për momentin është Zoran Zaev dhe pranimi i kushtëzimeve nga ana e tij për ta realizuar platformën e Tiranës, vlerësojnë në VMRO-DPMNE. Që atje përsëri kërkojnë nga Zaevi që të heq dorë prej skenarit të tillë, ndërsa si kthim, thonë, ta marrë mbështetjen e tyre për formimin e qeverisë.
"Nëse frikësohet prej shantazheve dhe premtimeve të cilat i ka dhënë, le ta nxjerrë platformën e Tiranës në zgjedhje që populli t'i tregojë se çfarë mendon për të", theksojnë në kumtesën e sotme nga VMRO-DPMNE.
Në të shtohet se Zaev është kapur mat në një numër të madh aferash dhe, siç thuhet, është i vetëdijshëm për dënimet të cilat pasojnë për veprat e tilla penale ai është i gatshëm me çdo kusht të vijë në pushtet.