PSP kërkon vazhdim të mandatit, ka hapur tre hetime të reja

Shkup, 22 maj 2017 (MIA) - Prokuroria Speciale Publike sot ka publikuar tre hetime të reja nën emrin Talir, Traektorja dhe Trevnik.
Prokurorja speciale Katica Janeva sot në konferencë për shtyp kumtoi se bëhet fjalë për hetime financiare dhe se dy janë për parregullsitë në procedurën për ndërtim.
Janeva kërkoi nga shumica e re parlamentare që të pezullohet neni 22 nga Ligji për Prokurori Speciale Publike me çka do të vazhdohej puna e kësaj prokurorie.
Tha se 55 për qind nga bisedimeve të përgjuara që i posedojnë tani nuk shqyrtohet dhe se punojnë në raste të hapura në bazë të të dhënave të përpunuara.
"Kjo prokuroi speciale do të vazhdojë me punë derisa nuk hetohen këto bisedime që i posedojmë, ndërsa me qëllim që ta plotësojmë mandatin për të cilin ekzistojmë", tha Janeva.