Filipçe: Lëshime serioze janë vërtetuar në dokumentet për punën e banjave

Shkup, 23 maj 2018 (MIA) - Ministri i Shëndetësisë bëri analiza të të gjitha dokumenteve në punën e Banjës së Katlanovës dhe tre banjave tjera dhe janë vërejtur lëshime serioze në dokumentacion, ndërsa janë regjistruar se disa procese janë stërzgjatur tanimë dhjetë vite dhe se nuk është vepruar sipas tyre.
Këtë sot e theksoi ministri i Shëndetësisë Venko Filipçe, i cili tha se u është bërë me dije të gjitha banjave se çfarë duhet të bëjnë në përfundimin e disa procedurave të regjistrimit që kanë filluar para shumë kohësh, dhe nuk janë kryer.
"Ju bëmë me dije institucioneve të cilat merren me licencimin e mjekëve dhe tani gjithçka është në duart e tyre se si do të veprojnë më pas me ata mjekë të cilët në vend u zbuluan që punën e tyre e kryejnë pa licencë. Ajo do të jetë në koordinim me Ministrinë e Shëndetësisë", shtoi Filipçe, duke iu përgjigjur pyetjes së gazetarëve pas hapjes së Qendrës për traumatizëm sportiv në Spitalin e Përgjithshëm të Qytetit "8 Shtatori".