SHI-ja e mori përgjegjësinë për sulmet në Iran

Teheran, 22 shtator 2018 (MIA) - Shteti Islamik e mori përgjegjësinë për sulmin e sotëm të kryer gjatë paradës ushtarake në Iran ku humbën jetën 24 persona, ndërsa 53 u plagosën.
"Luftëtarët e SHI-së e sulmuan paradën ushtarake në qytetin Ahvaz", citohet në njoftimin e grupit xhihadist.
Sipas mediave lokale, dy sulmues, të cilët ishin pas skenës filluan që të qëllojnë pjesëmarrësit dhe spektatorët në paradë. Më pas tentuan që të qëllojnë të ftuarit në skenë, por atëherë u neutralizuan nga forcat e rendit.
Sipas mediave iraniane me siguri sulmuesit janë plagosur.
Një numër i madh i civilëve, midis të cilëve gra dhe fëmijë të cilët kanë ardhur për ta parë paradën janë ndër viktimat në sulm, publikoi agjencia shtetërore IRNA, duke iu referuar një funksionari anonim.