SHGM ju bën thirrje mediave të mos spekulojnë për vrasjen e pesëfishtëShkup, 17 prill 2012 (MIA) - Kryetari i Shoqatës së gazetarëve të Maqedonisë, Naser Selmani ju bëri thirrje gazetarëve me përgjegjësi dhe në mënyrë profesionale të raportojnë lidhur me vrasjen e pesëfishtë në Smillkovc të Shkupit.
"Apeloj deri te gazetarët të mos japin informacione pohuese në opinion dhe të mos spekulojnë për autorët eventual dhe motivet e këtij krimi. Vlerësoj se mediat nuk guxojnë ta keqpërdorin dhembjen dhe humbjen e madhe të familjeve të bashkëqytetarëve të vrarë që të nxisin dhunë etnike. Ata të cilët i vranë pesë shkupjanët kanë vetëm një emër - vrasës gjakftohtë, të cilët duhet t'i dënojë shteti juridik", thekson Selmani në deklaratën me shkrim.
Qytetarët e Maqedonisë, thekson ai, janë të bashkuar në dënimin e vrasjes makabër, pasi që janë të vetëdijshëm se vrasësit nuk kanë shtënë vetëm në drejtim të njerëzve të pafajshëm, por kanë shtënë edhe mbi paqen dhe të ardhmen.
|