Gruevski dërgoi letër ngushëllimi deri te presidenti amerikan Obama me rastin e ngjarjes tragjike në Libi

Shkup, 12 shtator 2012 (MIA) - Kryeministri Nikolla Gruevski dërgoi letër ngushëllimi deri te presidenti amerikan Barak Obama me rastin e sulmit terrorist mbi Konsullatën e SHBA-së në Bengazi, me ç'rast jetën e humbi ambasadori Kristofer Stiven dhe tre nëpunës konsullarë.

"Me rastin e kësaj ngjarje qyqare, më lejoni që në emrin e Qeverisë së Republikës së Maqedonisë dhe në emrin tim personal, ta shpreh keqardhjen për humbjen e madhe që shteti dhe populli amerikan e ka pësuar nga akti i fundit dhe në emrin e qytetarëve të Maqedonisë të shpreh ngushëllimet deri te familjet e viktimave, duke e ndarë dhembjen dhe pikëllimin për jetët e humbura", thotë mes tjerash Gruevski në letrën.

Më tej, ai e thekson vendosmërinë e Republikës së Maqedonisë për vazhdimin e kontributit aktiv në luftën kundër terrorizmit dhe formave tjera të dhunës, të cilat e rrezikojnë paqen, stabilitetin dhe prosperitetin e botës.