Tetovë, 31 janar 2013 (MIA) - Këshilli komunal i Tetovës me aklamacion sot ka shpallur liderin e Aleancës për Ardhmërinë e Kosovës, Ramush Haradinaj, për qytetar nderi i komunës së Tetovës.
Ky titull i jepet Haradinajt për kontributin e tij të dhënë për përparimin e të drejtave të njeriut. Ceremonia e dhënies së titullit qytetar nderi i Tetovës do të mbahet më 4 shkurt në sallën e Kuvendit Komunal të Tetovës, njofton RTK.
Në arsyetimin e dhënies së këtij titulli thuhet se, Ramush Haradinaj është një figurë politike, që gjatë tërë kohës ka reflektuar angazhim dinjitoz dhe modern mbi bashkëpunimet ndër-shqiptare, por edhe rajonale.