Shoqata e Historianëve Shqiptarë të Maqedonisë dërgon telegram ngushëllimi për viktimat e BostonitShkup, 17 prill 2013 (MIA) - Shoqata e Historianëve Shqiptarë të Maqedonisë, përmes Ambasadës së SHBA-ve në Shkup, i shpreh ngushëllimet më të sinqerta popullit amerikan për tragjedinë që ndodhi dje në Maratonën e Bostonit, ku humbën jetën të paktën tre veta dhe mbi 140 të tjerë u plagosën.
"Kjo dhembje shtohet edhe më tepër kur kemi parasysh faktin se ajo ndodhi pikërisht në një ngjarje të rëndësishme sportive, e cila historikisht ka përcjellë frymën e paqes dhe tolerancës mes popujve të ndryshëm të botës", thuhet në ngushëllim.
Shoqata e Historianëve Shqiptarë të Maqedonisë popullit mik amerikan i shpreh ngushëllimet më të sinqerta me shpresën që kjo ngjarje të ndriçohet deri në fund.
|