Temperatura pranverore në mes të dimritShkup, 8 janar 2014 (MIA) - Temperaturat prej rreth 10 gradë në Maqedoni nuk janë të jashtëzakonshme për këtë periudhë të vitit, por kushtet e motit që kryesisht mbizotërojnë, nëse nuk bie borë, do të ndikojnë ndaj kulturave bujqësore.
Sipas agrometeorologëve, posaçërisht në goditje janë mbjelljet vjeshtore për shkak të mungesës së pamjaftueshme të lagështisë në tokën bujqësore. Reshjet e shkurta në periudhën e fundit arritën 10 deri 20 litra në metër katror, por kjo është e mjaftueshme vetëm për shtresën sipërfaqësore.
"Temperaturat e mesatare gjatë këtyre ditëve, nuk janë shumë të larta, problem është ajo që nuk ka lagështi të mjaftueshme në tokën bujqësore. Shtresat më të thella deri 30-40 centimetra janë të thata" thotë Angelko Angleovski nga Drejtoria e Punëve Hidrometeorologjike (DPHM).
Për pemët dhe vreshtat, megjithatë, moti është i përshtatshëm.
Për tre ditët e ardhshme në vend moti do të jetë me diell me temperatura deri 16 gradë Clesius. Ngjashëm është edhe në rajon, temperaturat janë të larta, deri 18 gradë në zonat bregdetare. Në male temperaturat nuk zbresin nën zeron dhe pothuajse nuk ka aspak borë. Reshje të borës për ditët në vijim nuk parashikohen.
Siç informojnë nga Meto info kroate, moti i ngrohtë është pasojë e cikloneve të përhapur gjerë. Në Ballkan dhe në pjesën më të madhe të Evropës ajri i ngrohtë vjen nga Mesdheu dhe nga Afrika.
|