Janë mbyllur bastore pa leje në Rostushë dhe Velebërdë

Shkup, 23 prill 2014 (MIA) - Drejtoria për të ardhura publike (DAP) mbrëmë vonë mbylli bastore pa leje në fshatrat Rostushë dhe Velebërdë.

"Nga objektet të cilat kanë punuar në mënyrë të paleicencuar, inspektorët tatimor e konfiskuan tërë pajisjen teknike (televizorë, kompjuterë dhe printerë) dhe qarkullimin e hasur në para të gatshme të përfituar nga organizimi jolegal i lojërave të fatit", kumtoi DAP.

Krahas konfiskimit të pajisjes dhe vulosjes së objekteve, për personat-organizues është shqiptuar gjobë prej 2.000 eurove, ndërsa do të pasojnë edhe padi penale.

Sipas DAP-it, karakteristike për kryerjen jolegale të veprimtarisë është që shumë shpesh kjo kryhet në lokale të pashënuara, të vendosura në objekte për banim familjar, ku punojnë persona të paparaqitur.

Secili rast i organizimit jolegal të lojërave të fatit, kryerje jo e regjistruar e veprimtarisë dhe parregullsi të tjera, qytetarët mund ta paraqesin në DAP në linjën telefonike pa pagesë 198.