OEMVP do të prezantojë Raportin e Punës së Këshillit Koordinativ në StrugëStrugë, 24 korrik 2014 (MIA) - Oda Ekonomike e Maqedonisë Veri-Perëndimore (OEMVP) sot do të realizojë takim me Kryetarin e Komunës së Strugës, Ziadin Sela.
Gjatë takimit, do të prezantohet Raporti i Punës së Këshillit Koordinativ të OEMVP-së në Strugë dhe do të shqyrtohen problemet konkrete me të cilat po përballen kompanitë nga rajoni i Strugës, si dhe gjetja e zgjidhjeve për këto probleme.
Në takim do të marrin pjesë dhe përfaqësues nga kompanitë anëtare të OEMVP-së nga rajoni i Strugës, Kryetari i OEMVP-së, Menderes Kuçi, Drejtori Ekzekutiv i OEMVP-së, Arben Halili, Kryearkitekti dhe Udhëheqësi për Arsim pranë Komunës, drejtorët e shkollave të mesme në Strugë, Kryetari i Gjykatës së Strugës, si dhe afaristë nga Struga.
Siç thuhet në njoftimin zyrtar të OEMPV-së, në fund të takimit pjesëmarrësit do ta shqyrtojnë program-platformën e Këshillit Koordinativ.
|