http://webdep/ifs/files/ifs/webui/jsps/image1.jsp?slikaid=121511113Izmir, 16 shtator 2014 (MIA) - Delegacioni qeveritar i udhëhequr nga kryeministri Nikolla Gruevski, i cili prej dje është për vizitë disaditore në Republikën e Turqisë, sot do të marrë pjesë në forumin e biznesit që do të mbahet në qytetin Eskishehir.
Në forumin e biznesit do të prezantohen volitshmëritë që u ofrohen investitorëve të huaj për hapjen e biznesit dhe vendeve të reja të punës në Maqedoni.
Delegacioni qeveritar në ditët e ardhshme do të marrë pjesë dhe do të mbajë fjalim edhe në forumin e biznesit në qytetet turke Ankara, Adana dhe Mersin.
Të mërkurën pritet të realizohet takim me presidentin turk Rexhep Taip Erdogan dhe me kryeministrin turk Ahmet Davutogllu.
Dje, volitshmëritë që i ofron Maqedonia ishin prezantuar para biznesmenëve nga Koxhaeli.
Në përbërje të delegacionit qeveritar janë edhe ministrat pa portofol për Tërheqjen e Investimeve të Huaja Bill Pavlleski dhe Furkan Çako, si dhe zëvendësdrejtori i Agjencisë për Investime të Huaja dhe Nxitje të Eksportit Kliment Shekerovski.
Turqia është mes 10 partnerëve më të rëndëdishëm tregtar të Maqedonisë. Në vitin 2013 Turqia ishte në vendin e 9-të, ndërsa investimet e huaja direkte në dy vitet e fundit arrijnë 44 milionë euro. Turqia bie në grupin e ekonomive të rritura shpejtë në Evropë, me rritje të bruto prodhimit shoqëror prej katër për qind në vitin e kaluar dhe është njëra nga 20 ekonomitë më të mëdha në Evropë. Rolin udhëheqës të cilin Turqia e ka në fushën e përpunimit të elementeve të industrisë automobilistike, paisjeve elektronike, tekstilit dhe materialeve ndërtimore e bëjnë destinacion atraktiv nga e cila mund të ndërmerren përvoja, por edhe në të cilën ka partnerë potencial të biznesit jashtë kufijve të Turqisë.