Java e disejnit në Shkup nga 23 deri më 28 shtator

Shkup, 18 shtator 2014 (MIA) - Nga 23 deri më 28 shtator në Kurshumli-han, në Çarshinë e Vjetër të Shkupit do të mbahet edicioni i katërt i Javës së disejnit në Shkup (Skopje Design Week), i cili sivjet do të zhvillohet nën moton "Ndërrimi i katërt".

Programi, siç paralajmëruan organizatorët, përbëhet nga aktivitete të cilat do të fillojnë në orën 10 paradite, ndërsa do të zgjasin deri në orët e vona të mbrëmjes.

Pas hapjes më 23 shtator në pesë ditët e ardhshme do të pasojë ritëm intensiv i tërësive programore paralele dhe të njëpasnjëshme në të cilat janë përfshirë prezantime afariste disejnuese dhe edukative, konferencë themeluese e Rrjetit disejnues ballkanik, Ekspo-zonë, kespozita udhëtuese dhe jokomerciale, punëtori dhe panel-diskutime,  "Gastro talent zonë" i "Barbakan"-it, forma e re e festivalit në festival me "Body, mind and spirit", promovim i iniciativave me të cilat do të përforcohet fryma sipërmarrëse në drejtim të bashkëpunimit midis sektorit afarist dhe industrisë kreative, por edhe dixhej-sete gjat gjithë mbrëmjes nga dixhejë serbë dhe nga Maqedonia në segmenti argëtues të Javës së disejnit në Shkup.

Konferenca themeluese e Rrjetit disejnues ballkanik do të mbahet më 24 dhe 25 shtator. Iniciatorë të platformës, qëllimi i të cilës do të jetë definimi i identitetit të disejnit ballkanik dhe me forca dhe kreacione të përbashkëta të paraqitet në tregun botëror, janë organizatorët "Dhoma publike" nga Maqedonia, Asociacioni kroat i disejnuesve nga Zagrebi dhe disejn-platforma "Mikser" nga Beogradi.

Në kuadër të Javës së disejnit në Shkup, prezantime do të kenë Nikolla Radelkoviq nga "Numen/For use", Rikardo Kapuzo, themelues dhe pronar i platformës "Design42Day" në Itali, Hanspiter Xhejms Kelin, arkitekt, SDA-disejnues dhe arkitekt për rregullim të brendshëm. Në segmentin e prezantimeve edukative do të mbahet punëtori për të rinj të talentuar të cilët kanë punuar në zhvillimin e zgjidhjes softuerike e cila duhet t'u ndihmojë blerësve të krijojnë dhe disejnojnë kombinime personale të ZAVAR radiatorëve e disejnuar.

Franca, vend i cili sivjet është në përqëndrim, do të prezantohet me dhjetë disejnues më të theksuar dhe studime të clat do ta sjellin skenën autentike bashkëkohore disejnuese në Shkup. Segmenti "Franca - vend në përqëndrim" është organizuar në bashkëpunim me Ambasadën e Republikës së Francës në Republikën e Maqedonisë dhe Institutin francez në Shkup.

Java e disejnit në Shkup do të hapë mundësi të theksohen edhe aftësitë praktike në më shumë sfera të produkt-disejnit. Nga 24 deri më 28 shtator në Kurshumli-han do të mbahen pesë punëtori të "Lotus design store" për disejn të pop-ap karrigece nga materiale të recikluara, fuzion i qelqit, disejn i gotave qeramike, punëtoria "Rrethi i modës" dhe punëtori për 3D-dekorime. Mentorët të punëtorive do të jenë Anita Gaj nga "Lotus design store" dhe "Lotus lounge chair", së bashku me Marta Pop Antoskën (M-art), Aleksandar Dudeski (Tvornica) dhe disejnatorja e modës Irina Tosheva.

Në segmentin argëtues janë konfirmuar performancat e "Mjustrap"-it, "Lejt for kofi", "Lorna ving", "Luz azul", "Zaa", "Nejked", dixej Açim dhe dixhej Med Hater nga Serbia dhe dixhejë nga Maqedonia Fluder, Fluid, Vaso dhe Tomi Bojaxhi.