"Koha" e uron MIA-n për 16-vjetorin e publikimit të lajmit të parë

Shkup, 30 shtator 2014 (MIA) - Gazeta ditore në gjuhën shqipe “Koha” i uron Agjencisë Informative të Maqedonisë ( MIA), 16-vjetorin e publikimit të lajmit të parë.

"Më lejoni që në emrin e stafit të gazetës së përditshme në gjuhën shqipe-KOHA dhe në emrin tim personal, t’ju uroj për 16 vjetorin e funksionimit të Agjencisë Informative të Maqedonisë (MIA) në tregun medial”. Ju dëshirojmë të festoni edhe shumë përvjetorë të tjerë duke kontribuuar në informimin objektiv dhe profesional", thuhet në urimin e "Kohës".

Gazeta shpreson për  vazhdimin e  bashkëpunimit të ndërsjellë profesional edhe në të ardhmen.

MIA është shërbim publik informativ, i themeluar nga Kuvendi i Republikës së Maqedonisë në shkurt të vitit 1992, me prodhim ditor prej 300 deri 350 lajme dhe pres-informacione të tjera në gjuhën maqedonase, gjuhën shqipe dhe në gjuhën angleze dhe rrjet të zhvilluar të korrespondentëve në vend dhe në botë.

Gjatë 16-të viteve, MIA si kroniste më e rregullt e ngjarjeve dhe eventeve në Maqedoni, rajon dhe në botë, ka një bazë të vëllimshme të të dhënave, informacioneve, fono dhe foto serviseve.