Violinistja japoneze Suvani në Filarmoninë e MaqedonisëShkup, 22 janar 2015 (MIA) - Filarmonia e Maqedonisë sonte në Operën dhe Baletin e Maqedonisë do të mbajë koncertin simfonik "Sërisht Akiko" në të cilin si soliste do të performojë violinistja nga Japonia, Akiko Suvanai.
Suvanai e cila para publikut të Maqedonisë performon për herë të dytë, nën dirigjimin e maestro Bojran Canev do të luajë Koncertin kompleks, voluminoz dhe virtuoz për violinë dhe orkestër në D-dur nga Ludvig van Beethoven.
Violinistja është fituesja më e re e garës prestigjioze ndërkombëtare "Çajkovski", është fituese e shumë çmimeve dhe luan në violinën "Delfin" të punuar nga Stradivari, e cila i përkiste maestros rus të violinës, Jasha Hajcef.
Filarmonia e Maqedonisë do të performojë edhe Simfoninë grandioze nga Sergej Prokofjev, e cila vlerësohet jo vetëm si një ndër veprat më të fuqishme të kompozitorit rus, por edhe një nga simfonitë më të vlefshme në përgjithësi në literaturën muzikore.
|