Seancë e trupit koordinues të kryetarëve të komunave nga Qyteti i Shkupit

Shkup, 2 mars 2015 (MIA) - Dezinfektimi, tatimi i pronës, vendosja e pajisjes urbane dhe planet rregullative kanë qenë pikat e rendit të ditës së seancës së 15-të të trupit koordinues të kryetarëve të komunave të Shkupit.

Kryetari i Qytetit të Shkupit, Koce Trajanovski sot në konferencë për shtyp theksoi se për procesin e dezinfektimit, i cili do të zbatohet gjatë pranverës, kryetarët e komunave janë marrë vesh që koordinimi të jetë përmes Qytetit të Shkupit.

"Pjesa më e madhe e komunave e kanë filluar procedurën për dezinfektim, ndërsa u konkludua që edhe komunat e tjera të fillojnë dhe të gjitha në të njëjtën kohë prej 15 prillit në mënyrë të koordinuar ta fillojnë dezinfektimin", tha Trajanovski.

Kryetri i Qytetit të Shkupit sqaroi se Qyteti i Shkupit është kompetent edhe për dezinsektimin dhe atë çdo vit e zbaton në sipërfaqe gjithnjë e më të madhe.

"Dezinfektimi bëhet edhe në komunat në periferi, siç janë ilinden, Petrovec dhe Haraçinë, ku ka tokë më të lagësht dhe ku vlerësojmë se ato vende mund të jenë burim i insekteve", shtoi Trajanovski.

Në Trupin koordinues u debatua edhe për procesin e pagesës së tatimit të pronës dhe për përpunimin e vendimeve për tatim të pronës për vitin 2015. Shërbimet infirmuan se përpunimi i tyre është në fazë përfundimtare, pas çka do të fillojë edhe procesi i shpëndarjes së tyre.

Në pyetjen e gazetarëve për drunjtë e prerë në sheshin Maqedonia, kryetari i Qytetit të Shkupit tha se ato kanë qenë të degraduara fiziologjikisht, ndërsa deri në qershor të këtij viti, qyteti do të mbjellë drunj të rinj të unifikuar.