Qeveria do të mbajë mbledhje për ndihmë humanitare, dëmshpërblim dhe shpërblime për aksionin në KumanovëShkup, 11 maj 2015 (MIA) - Qeveria e Republikës së Maqedonisë sot do të mbajë seancë në lidhje me aksionin e armatosur në Kumanovë.
Do të prezantohet informacion për operacionin e armatosur të policisë në Kumanovë. Do të diskutohet edhe për shumë aspekte për përcaktimin e ndihmës humanitare dhe për dëmshpërblimin e qytetarëve të cilët kanë dëme nëpër objektet dhe pasuritë e tyre. Pritet të bëhet fjalë edhe për përcaktimin e shpërblimeve për policët, të cilët ishin pjesëmarrës në aksion, thotë zëdhënësi i Qeverisë Aleksandar Gjorgjiev.
Dje, kryeministri Gruevski në fjalimin e tij paralajmëroi se Qeveria do të ndihmojë në tejkalimin e sfidave humanitare në Kumanovë.
Personave, shtëpitë e të cilëve janë dëmtuar gjatë aksionit të policisë, përveç ndihmës së parë humanitare, do t'u jepet edhe kompensim financiar pas vlerësimit të kryer, theksoi kryeministri Nikolla Gruevski në fjalimin e djeshëm.
|