Актерот Жан Клод Ван Дам доживеал срцев удар за време на снимањето на својот нов филм „Weapon“ во Њу Ореланс, поради што веднаш е хоспитализиран.
- Добро е, накратко соопшти портпаролот на Ван Дам за неговата здравствена состојба.
Според информациите на американските медиуми, станува збор за послаб срцев удар, поради што 50-годишниот Ван Дам по кратката хоспитализација се вратил во родната Белгија, каде ќе остане додека потполно не закрепне. Поради здравствената состојба на познатиот акционен актер на неопределено е одложено снимањето на филмот.
Првиот дел од филмот се снимаше во Романија, а во него, покрај Ван Дам играа Скот Адкинс и познатата српска актерка Марија Каран.