Акционата ѕвезда Жан Клод Ван Дам синоќа ги демантираше гласините дека на филмскиот сет доживеал срцев удар.
„Пред неколку часа прочитав дека сум имал срцев удар. Ве молам не верувајте им на трачевите кои ги читате на неофицијалните страници. Жан Клод е 100% здрав, тренира пред борба и ги поздравува сите свои пријатели и обожаватели и им порачува дека многу ги сака“, пишува на официјалниот Facebook профил на популарниот актер.
За потсетување, вчера наутро американските медиуми јавија дека Ван Дам бил хоспитализиран откако доживеал срцев удар на снимањето на својот нов филм „Weapon“ во Њу Орлеанс.