Очекувано или не? Свтлана Цеца Ражњатовиќ ќе одржи втор концерт во Скопје. Поради огромен интерес што резултираше со целосно распродаден прв концерт, организаторот, туристичката агенција „Гуливер милс" најавува и втор концерт на Цеца во Скопје. Веќе од утре билетите ќе бидат пуштени во продажба на сите продажни места каде се продаваа и за првиот концерт. Цената е идентична, 800 денари за стоење и 1000 денари за седење. Идентична ќе биде и програмата, времето и местото на вториот концерт. Тоа значи, сабота, 27. Ноември со почеток во 21 часот во Спортскиот центар „Борис Трајковски" во Скопје. Според интересот, очигледно е дека и вториот концерт ќе биде распродаден. Сите кои ќе бидат дел од него, во живо ќе имаат можност да ги слушнат хитовите на Цеца. Несомнено е дека публиката ќе биде почестена и со некоја стара македонска песна. Впрочем тоа Цеца го најавува во нејзината изјава:
„Подгответе се! Ќе следуваат две вечери полни со многу музика и добра забава. Да, ќе има многу, многу музика и ќе се обидам да направам добра атмосфера".
(И.Н)