Londër, 11 prill 2017 (MIA) - Një burrë bleu një tank në eBay për 30 mijë funta, por nuk e kishte idenë se kishte fituar më shumë se sa që kishte shpenzuar.
Brenda në tank, ai gjeti të fshehura 2 milionë funte, shkruan gazeta britanike Metro, përcjell Koha.net.
Nick Mead, një 55 vjeçar, gjeti një pasuri të madhe në tankun rus T54/69 që e kishte blerë bashkë me shokun e tij mekanik, Todd Chamberlain.
“Nuk mund ta besonim kur brenda në tank gjetëm 5 shufra ari me nga 5 kg, që në total bëjnë 2 milionë funte. Nuk dinim çfarë të bënim kështu që vendosëm ta thërrasim policinë”, tha ai.
Nick në anën tjetër është koleksionist i 150 automjeteve ushtarake të cilat i mban në fermën e tij në Helmdon.
Tanku tani është marrë nga ana e policisë për të bërë analiza të detajuara dhe për të zbuluar se si kanë arritur të mbesin në atë tank ato shufra ari.