Siberi, 16 janar 2018 (MIA) - Fshati më i ftohtë në botë, Oymyakon në Siberi, ka thyer rekordet.
Temperatura mesatare gjatë muajit janar në fshatin rus është -50 gradë Celsius, por këtë vit termometri i ri elektronik ka regjistruar -62 gradë Celsius.
Stacioni meteorologjik në "Ujin e ngrirë" regjistroi një temperaturë minus 59 gradë Celsius, por banorët thanë se regjistrimet e tyre ishin minus 67 gradë Celsius, 1 gradë më pak se temperatura më e ulët e pranuar për një vendbanim të përhershëm në botë.
Sipas "The Siberian Times" termometri dixhital, i instaluar vitin e kaluar, u prish sepse ishte shumë ftohtë.
Temperaturat më të ftohta në Oymyakon janë regjistruar deri në -67.7 gradë Celsius, një rekord i vendosur në vitin 1933. Muajt më të ngrohtë janë qershori, korriku dhe gushti, atëherë kur banorët i gëzohen rrezeve të ngrohta të diellit.