Helsinki, 5 shkurt 2018 (MIA) - Sauli Ninisto (69) është presidenti i parë finlandez i cili është bërë baba derisa e ka ushtruar këtë funksion, njoftoi Kabineti i tij.
Bashkëshortja e Ninistos, Jeni Haukio (40) lindi djalë.
"Babai, i cili ka qenë prezent gjatë lindjes, thotë se nëna dhe fëmija janë mirë", thuhet në njoftim.
Ninisto dhe Haukio janë martuar në vitin 2009. Djali është fëmija i tretë i presidentit finlandez, ndërsa fëmija i parë i bashkëshortes së tij.
Bashkëshortja paraprake e Ninistos e humbi jetën në një aksident rrugor në vitin 1995.
Muajin e kaluar, Ninisto e fitoi mandatin e dytë gjashtëvjeçar.