Los Anxhelos, 28 maj 2018 (MIA) - Ivon Mejson, profesoreshë e pensionuar e gjuhës angleze nga Atlanta, SHBA, ka marrë letër nga presidenti amerikan Donald Tramp, i ka korrigjuar gabimet drejtshkrimore dhe ia ka kthyer dërguesit.
Mejson 17 vite ka qenë profesoreshë në një shkollë të mesme, dhe konsideron se vetë letra meriton tresh, përderisa shkruhet nga dikush që nuk ka të kryer as shkollë fillore, ndërsa dysh përderisa bëhet fjalë për shkollim të mesëm. Sipas saj, letra ka përmbajtur 11 gabime drejtshkrimore vetëm rreth shkrimit të fjalëve "president" dhe "shtet" me shkronja të mëdha.
"Me siguri letra është shkruar nga ndihmësi i presidentit, ndërsa jo personalisht nga ai. Por, kur pranoni letër nga niveli më i lartë, pritni të jetë e rregulluar teknikisht", konsideron profesoresha.
Letra e Trampit ka qenë përgjigje e letrës të cilën ajo e ka shkruar me rastin e sulmit në një shkollë në Florida më 14 shkurt në të cilin ishin vrarë 17 nxënës.