Shkup, 12 dhjetor 2019 (MIA) – Në Qendrën kulturore-informative – Shkup sonte do të hapet ekspozita e pikturave të Lulzime Osmanit.
Në ekspozitë, e cila do të jetë e hapur deri më 24 dhjetor, autorja do të prezantohet me 20 piktura, të punuara në akrilik në pëlhurë, krijuar gjatë këtij viti.
“Veprat e saja janë ‘kryengritje e heshtur’ (sipas të gjitha gjasave e ndikuar nga ekspresionistët gjermanë). Ngjyrat e saj i tejkalojnë kufijtë e teknologjisë ekspresioniste dhe prekin ujëra të ndryshëm stilistik dhe mundësojnë të menduar të eklektikës së rrymave në shek.19. Pikturat e saj njëkohësisht janë avangardë drejt lirisë së shprehjes, bazuar në vetënjohjen personale dhe interpretimit individual figurativ. Ajo e tregon këtë realitet përmes ngjyrave dhe gjesteve. Ngjyrat për të janë lirim i emocioneve dhe pasionit dhe përmes pikturës së rilindur dëshiron ta prezantojë qëndrimin e vet personal. Të krijohet botë e re përplot me optimizëm”, informojnë organizuesit e ekspozitës.
Lulzime osmani ka lindir në Manastir. Studimet ei përfundoi në vitin 2012 në Fakultetin e arteve figurative pranë Universitetit shtetëror në Tetovë, dega grafikë, në klasën e prof.Nafi Jashari. Studimet pasdiplomike, dega grafikë i kreu në universitetin “Hasan Prishtina” në Prishtinë në klasën e prof.Basri Mekollit. Në vitin 2017 doktoroi në “New Bulgarian University” (Universiteti i ri bullgar) në Sofje, dega grafikë, në klasën e doc.Mihail Komakov. ab/