Athinë, 28 korrik 2020 (MIA) – Me maskë të klubit futbollistik Panatinaikos, ministri i Punëve të Jashtme i Greqisë, Nikos Dendias e priti në MPJ-në greke homologen e tij nga Spanja, Arança Gonzales Laja, njofton korrespondentja e MIA-s nga Athina.
Dendias, duket se vendosi që maskën e thjeshtë të bardhë apo të zezë, sot ta zëvendësojë me maskë me shenjën dhe emrin e klubit të tij të preferuar të futbollit Panatinaikos.Kështu para godinës së Ministrisë së Punëve të Jashtme të Greqisë e priti Laja me maskë të Panatinaikos, të cilën e mbajti edhe në fillim të takimit tet-a-tet me shefen e diplomacisë spanjolle. sr/shk/