Los Anxhelos, 13 shtator 2022 (MIA) – Një 77-vjeçar australian vdiq pasi u sulmua nga një kangur që e mbante si kafshë shtëpiake. Ky është sulmi i parë vdekjeprurës nga këta marsupialë që nga viti 1936, raportojnë mediat australiane.
Paramedikët thuhet se u thirrën në pronën e burrit në Redmond, rreth 400 km në jug-lindje të Perthit në Australinë Perëndimore. Ngjarja ka ndodhur pasditen e së dielës pasi mesa duket është sulmuar nga kanguri.
Një anëtar i familjes gjeti pronarin e kangurit të plagosur rëndë dhe kafsha u bë e dhunshme kur mjekët u përpoqën t'i afroheshin burrit. Ata duhej të vrisnin marsupialin. Menjëherë pas kësaj, burri u nënshtrua plagëve të marra.
Sulmet e kangurit me pasoja fatale janë të rralla. Sulmi i fundit fatal i raportuar ndodhi në vitin 1936, kur një 38-vjeçar u vra në Uellsin e Ri Jugor.