Helsinki, 10 prill 2017 (MIA) - Në Finlandë më shumë pihet kafeja, ndërsa në Turqi më shumë çaji, citohet në raportin e Organizatës Ndërkombëtare për Kafe.
Siç transmeton "Telegarfi" britanik, një finlandez mesatarisht konsumon 12 kilogramë kafe gjatë tërë vitit, ndërsa norvegjezët dhe islandezët - 9,9 dhe 9 kilogramë. Në krye më tej janë edhe Danimarka (8,7 kilogramë), Holanda (8,4 kilogramë), Suedia (8,2 kilogramë), Zvicra (7,9 kilogramë), Belgjika (6,8 kilogramë), Luksemburgu (6,5 kilogramë) dhe Kanadaja (6,2 kilogramë).
Për befasinë e të gjithëve, në listën e adhuruesve më të mëdhenj të çajit, britanikët u radhitën në pozitën e tretë, pas Turqisë dhe Irlandës.