Ky portret i Frida Kahlos do të qëndrojë i ekspozuar në një galeri arti në Majemi, SHBA, për 6 ditë me radhë.
Autori i rikrijimit realist të portretit të piktores së famshme meksikane është skulptori Kazuhiro Tsuji.
Ai jeton në Los-Angeles dhe ka punuar për 25 vjet në Hollivud si artist i "make up"-it.
Në vitin 2008, ai e braktisi Hollivudin për t'iu përkushtuar artit të skulpturës hiperrealiste. Duke përdorur materiale specifike, ai ndërton portrete tredimensionale me përmasa reale ose më të mëdha.
Portreti i Frida Kahlos do të qëndrojë i ekspozuar në datat 1-6 dhjetor.