Kosovarja Dua Lipa do të jetë një prej mysafireve në Wind Music Awards, çmimet muzikore që mbahen me 7 dhe 8 qershor në Itali dhe transmetohen në Rai Uno, informon "Kult plus".
Wind Music Awards mbahet në Arena di Verona. Përveç Dua Lipës, e cila me një hov të madh po ngjitet në skena të ndryshme muzikore në mbarë Evropën, në këtë ndarje çmimesh do të performojnë edhe emrat si Marco Mengoni, Alvaro Soler, këngëtari i madh italian Nek, etj.
Wind Music Awards nderon këngëtarët italianë të cilët shesin më së shumti kopje të albumeve të tyre. Natën e moderon Carlo Conti, i njëjti që e moderon edhe festivalin e San Remos.