E ka paralajmëruar goxha më herët bashkëpunimin e saj me emrin e madh Placido Domingo, por megjithatë thotë se një gjë e tilla ia vlen.
Ermonela Jaho dhe Placido Domingo bashkojnë forcat që në vitin 2018-të, në korrik të këtij viti, të vijnë bashkë në operën "Thais" nga Jules Massenet.
"Thais në Madrid me Maestro Placido Domingon vitin që vjen me 26 korrik, pak larg por e mirëpritur gjithsesi" ka shkruar sopranoja Ermonela Jaho në rrjetin e saj social Facebook, shkruan KultPlus.
Dirigjimi muzikor i është besuar Patrick Fournillier, i cili vjen nga qyteti i lindjes së krijuesit Massenet. Historia flet mbi një kurtizane që braktisë jetën e saj të kaluar drejt një udhëtimi tjetër, dhe për Athanael, një prift që vjen në këtë rrugë.