Shqipëria do të performojë e katërta në natën e parë të gjysëmfinales së Festivalit Evropian të Këngës Eurovizion, në 9 maj, ku do të marrin pjesë 18 shtete.
Artistët, transmeton ATSH kanë filluar të kryejnë provat e dyta në skenën e Eurovisionit, ku përfaqësuesja e Shqipërisë Lindita Halimi ka performuar në skenë këngën “World”.
Shqipëria do të performojë e katërta me radhë në natën e parë të gjysmë finales, më datë 9 maj, ku është paraparë që të performojnë 18 shtete.
Këngët të cilat përfaqësojnë Suedinë, Gjeorgjinë dhe Australinë do performojnë para Shqipërisë e cila këtë vit prezantohet me këngën “Botë” nga Linda Halimi.
Ndërsa në natën e dytë të gjysmëfinales, më 11 maj do të paraqiten këngët e 19-të shteteve. Pas natës së dytë të gjysmëfinales do të bëhet publike edhe renditja e këngëve për natën finale, e cila do të mbahet në 13 maj në Ukrainë. Me këngën “Botë”, Linda Halimi ka dalë të jetë triumfuese në edicionin e 55-të të Festivalit të Muzikës së RTSH-së.