Paris, 6 dhjetor 2017 (MIA) - Njëri prej yjeve të rokut francez Johnny Hallyday, vdiq në moshën 74-vjeçare pasi humbi betejën me kancerin në mushkëri.
Lajmi për vdekjen e tij e konfirmoi bashkëshortja e tij Leticia, por edhe Kabineti i presidentit francez Emanuel Macron.
"Johnny Hallyday u largua. E shkruaj këtë, ndërsa nuk mund të besoj. Por, është e vërtetë. Bashkëshorti im nuk është në mesin tonë", deklaroi bashkëshortja e tij Letisija.
"Hallyday ..Solli një pjesë të Amerikës në panteonin tonë kombëtar", theksohet në kumtesën e Macronit pas bisedës me anëtarët e familjes së tij.
Këngëtari francez shiti rreth 100 milionë albume dhe mori pjesë në disa filma në karrierën e tij që nisi në vitet 1960. Në fakt, ishte pikërisht pasi pa Elvis Preslin në vitin 1957 që Hallyday vendosi të bëhej këngëtar.