Uashington,1 shkurt 2018 (MIA) - Mishell Obama, në intervistën e parë të dhënë që nga largimi nga Shtëpia e Bardhë, ka zbuluar se çfarë i kishte dhënë Melania Tramp para inaugurimit të Donald Trampit, në kutinë misterioze blu "Tifani".
Ajo ka bërë të ditur se Zonja e Parë aktuale amerikane i kishte dhuruar një kornizë fotografish.
"Ka qenë një kornizë e bukur", ka treguar Mishell Obama në emisionin "The Ellen Show".
“Ka shumë protokoll”, ka shpjeguar Mishell. “Është si një vizitë shtetërore, ata të thonë që do bësh këtë, do qëndrosh atje. Nuk flitet për të marrë dhuratë dhe unë isha si e ngrirë. Çfarë duhet të bëj me këtë dhuratë?!
Dhe të gjithë avulluan, askush nuk erdhi të ma merrte kutinë nga dora. Pastaj burri im na shpëtoi. Ai, ma mori kutinë dhe e çoi Brenda. Dhe më interesantja ishte se Mishell ka zbuluar që në atë pako kishte një kornizë shumë të bukur, siç tha ajo.
Kjo dhuratë ishte diskutuar shumë, sepse nuk dihej se çfarë kishte pasur brenda saj.