Prishtinë, 12 korrik 2018 (MIA) - Këngëtarja shqiptare nga Kosova e njohur në botë, Era Istrefi përmes një postimi në Instagram e ka konfirmuar pjesëmarrjen e saj në finalen e madhe të Kampionatit Botëror.
Këngëtarja ka postuar në Instastory një postim në të cilin shkruante: "Rusi shihemi së shpejti".
Era Istrefi do të jetë pjesë e këngëtarëve për të performuar së bashku me Will Smith dhe Nicky Jam himnin zyrtar të Botërorit "Live It Up".
Finalja e madhe e Kampionatit Botëror "Rusia 2018" midis kombëtares së Kroacisë dhe asaj të Francës do të mbahet më 15 korrik në stadiumin "Luzhniki" në Moskë.