Artistja shqiptare me renome ndërkombëtare, Dua Lipa, nuk po ndalet së sjelli projekte të reja muzikore.
Ajo së fundmi ka publikuar një këngë të re në bashkëpunim me artistin Pop Smoke, teksa në pak ditë do ta publikojnë edhe klipin e këngës.
Të martën, 25-vjeçarja ndau me ndjekësit e saj në Instagram ‘trailerin’ e klipit “Demeanor”, i cili pritet të jetë shumë i veçantë.
Nga pamjet e pakta që kanë qarkulluar në rrjetet sociale, shihet se këngëtarja shqiptare dhe artisti amerikan do të vijnë me një klip, të frymëzuar nga stili i viteve 80’.
“’Demeanor’ së shpejti”, shkroi Dua në mbishkrimin e ‘trailerit’, ndërsa fansat aktualisht mund ta gjejnë këngën e saj në versionin audio me tekst në YouTube.
Lipa përndryshe këto ditë është duke qëndruar në Shqipëri me familjen dhe të dashurin e saj, Anwar Hadid.Gjatë këtyre ditëve, familja kanë vizituar së bashku disa vende, përfshirë detin e jugut dhe Kalanë e Skënderbeut në Krujë. /Telegrafi/