Londër, 8 prill 2022 (MIA) - Anëtarët e rok grupit britanik Pink Floyd njoftuan sot në llogarinë e tyre zyrtare në Twitter se kanë incizuar një këngë të re pas një periudhe 30 vjeçare, në mënyrë që të mbështesin popullin e Ukrainës.
Kënga "Hej, Hej, Rise-Up!" është publikuar dhjetë orë më parë, dhe do të përdoret për qëllime humanitare lidhur me luftën në Ukrainë.
Kënga përfshin Andriy Khlivnyuk, anëtar i grupit të famshëm ukrainas "BoomBox", me klipin e tij të regjistruar në sheshin "Sofiskaya" në Kiev, i cili tashmë është publikuar në internet.
Hlivniuk ndërpreu turneun e tij botëror për t'u kthyer në Ukrainë për të ndihmuar në mbrojtjen e atdheut të tij.
“Ne, si shumë të tjerë, ndiejmë zemërim dhe zhgënjim për këtë akt të gjatë agresioni kundër një vendi të pavarur, paqësor dhe demokratik, njerëzit e të cilit janë vrarë nga një prej fuqive më të mëdha në botë”, shkruajtën anëtarët e Pink Floyd në Twitter.