Casillas: Mbetem në Real deri në fund të karrierësMadrid, 27 maj 2015 (MIA) - Iker Casillas edhe një herë ka konfirmuar se ai dëshiron të mbetet te Real Madridi sezonin e ardhshëm.
"Jam i sigurt se do të vazhdoj këtu sezonin e ardhshëm – sigurisht. Nuk mund ta imagjinoj veten jashtë këtij klubi kur të fillojë sezoni i ri. Dua t’i jap fund karrierës këtu", ka thënë Cassilas për El Larguero, transmeton Telegrafi.
"Por gjithmonë ka gjasa që të shkoj te ndonjë ligë më e vogël, nëse gjërat ndodhin dhe duhet të largohem, por për momentin e shoh veten fuqishëm të lidhur me detyrën që kam".
"Do të përballem me sezonin e ardhshëm sikur të ishte i pari i imi; kjo është sfida që ia kam caktuar vetes", ka shtuar spanjolli.
|