Shpërthim i kontrolluar në "Old Traford"

Londër, 16 maj 2016 (MIA) - Njësitet antiterroriste britanike dje pasdite kanë kryer një shpërthim të kontrolluar të një pakoje të dyshimtë para njërës nga tribunat në stadiumin "Old Traford" në Mançester, njoftoi Bi-Bi-Si.

Skaj Sport informon se bëhet fjalë për një çantë, në të cilën ka pasur mjet shpërthyes dhe e cila është vendosur në një nga tualetet në pjesën veriperëndimore të stadiumit.

Çantën me mjet shpërthyes e kanë gjetur pjesëtarë të shërbimit të rendit, të cilët me kohë kanë reaguar që të pengojnë sulm terrorist, thekson Skaj Sport.

Paraprakisht, polica i evakuoi shikuesit prezent në stadium, ku duhej të luhej ndeshja nga xhiroja e fundit në Ligën Premier mes Mançester Junajted dhe Burnamauth.

Personat zyrtar 15 minuta para fillimit të ndeshjes u urdhëruan futbollistëve të cilët stërviteshin, që të kthehen në dhomat e veshjes, pas çka zbrazën dy tribuna në stadium.

Policia ka futur qen hetues në tribuna, por që të pengohet paniku, tërë stadiumi nuk u evakuua menjëherë, por në etapa.

Më vonë për shkaqe sigurie personat zyrtar sollën vendim që të mos luhet ndeshja.