Manastir, 19 prill 2017 (MIA) - Ekipet e Shkëndijës dhe Pelisterit siguruan klasifikim në finalen e Kupës së Futbollit të Maqedonisë.
Futbollistët e Pelisterit vënë në dukje fitore me 1:0 kundër Bregallnicës në revansh ndeshjen e gjysmëfinales e cila pasdite u luajt në stadiumin "Tumbe kafe" në Manastir.
Pasi ndeshja e parë u luajt në Shtip përfundoi barazi 2.2, falë goditjes së brazilianit, Lukas Fereira Kardoso në minutën e 80-të. Pelisteri me rezultat të përgjithshëm 3:2 u klasifikua në finale.
Për ekipin e Pelisterit kjo është ndeshja e parë finale pas pauzës prej 16 viteve, pasi në vitin 2001 në finale e ka mposhtur Slloga Jugomagnat me 2:1.
Shkëndija e Tetovës do të ketë mundësi ta mbrojë trofeun e fituar vitin e kaluar, pasi në gjysmëfinale e eliminoi Vardarin. Edhe pse në revansh ndeshjen e sotme Vardari me golin e Darko Velkovksit në minutën e 60-të fitoi me 1:0, kjo megjithatë nuk u lejua të anulohet negativja nga ndeshja e parë në Shkup ku tetovarët fituan me 3:1.
Përndryshe kjo ndeshje e shënoi edhe ndërprerjen më të gjatë në gjysmën e parë të lojës, pasi gjyqtari Stavrev në mënyrë të arsyeshme iu dha kartona të kuq kapitenëve të dy ekipeve Gërnçarov dhe Hasani, pas çka ndodhi një rrëmujë e madhe në terren, por edhe tentimi i një pjese të tifozëve vendas për të hyrë në terren, pas çka mysafirët nga Shkupi u tërhoqën në dhomat e zhveshjes. Megjithatë në vazhdim ndeshja kaloi pa incidente.
Ndeshjen finale të Kupës së Maqedonisë, Shkëndija dhe Pelisteri do ta luajnë më 17 maj.