Sulmuesi i Real Madridit, Gareth Bale iu bashkua skuadrës në stërvitje dje dhe është përfshirë në ekipin e caktuar nga Zinedine Zidane për ndeshjen ndaj Barcelonës që zhvillohet nesër.
Është vet tekniku francez ai që në një konferencë për shtyp ka konfirmuar se Bale do të luaj ndaj Barcelonës.
“Bale do të jetë me neve nesër. Më pas do të shihni nëse ai starton apo jo”, u shpreh Zinedine Zidane.
Nëse Bale do të jetë gati, ai do të luajë në sulm përkrah Ronaldos dhe Benzemas.
Real Madridi e pret Barcelonën nesër mbrëma në El Clasicon që konsiderohet vendimtare për titullin në La Liga.