Finalja e tretë me radhë e NBA-së për Golden StejtSan Antonio, 23 maj 2017 (MIA) - Ekipi i Golden Stejt për të tretin sezon me radhë do të luajë në finalen e madhe të ligës NBA. "Luftëtarët" mbrëmë në ndeshjen e katërt të finales së Konferencës Perëndimore e mposhtën San Antonion në terrenin e vet me 129:115 dhe me 4-0 maksimale e eliminuan rivalin.
Stef Keri me 36 dhe Kevin Durant me 29 pikë kryesuan triumfin e Golden Stejt.
Më efikas nga ekipi i mposhtur ishte Kajl Anderson me 20 pikë.
Golden Stejt në finale arriti me rezultat prej 12-0 në fitore në plej-of. Në fazat paraprake me nga 4-0 i eliminuan Jutan dhe Portlandin.
Sonte u zhvillua ndeshja numër 4 e finales së Lindjes. Klivlend është nikoqir kundër Bostonit dhe udhëheq me 2-1 në fitore.
|