Maqedonia avancon nëntë vende në rejting listën e FIFA-s

Cyrih, 23 nëntor 2017 (MIA) - Triumfi i fundit në ndeshjen miqësore ndaj Norvegjisë i ka sjellë përfaqësueses së Maqedonisë ngjitje në rang listën më të re të FIFA-s.
Maqedonia këtë muaj renditet në pozitën e 76-të, duke rikuperuar kështu 9-të vende nga muaji i kaluar. Ky është një sukses veçantë për Maqedoninë, pasi përfaqësuesja e vendit vitin e filloi nga pozita e 162-të, ndërsa arriti ta mbyll në të 76-ën.
Në përgjithësi viti 2017-të është viti më i suksesshëm në histori për Maqedoninë, me të përzgjedhurit e Igor Angellovskit që regjistruan 5 fitore, 3 barazime dhe vetëm një humbje edhe atë nga Spanja.
Në kreun e listës edhe më tej është Gjermania, para Brazilit dhe Portugalisë.
Në Top 10 janë edhe: Argjentina, Belgjika, Spanja, Polonia, Zvicra, Franca dhe Kili.
Klasifikimi i i ardhshëm i FIFA-s do të bëhet më 21 dhjetor.