Shkup, 29 nëntor 2017 (MIA) - Ndeshja e parë e 1/8 të finales së kupës së Maqedonisë mes Vardarit dhe Shkupit do të luhet nesër në stadiumin "Gjorçe Petrov".
Kjo ndeshje nuk do të luhet në arenën kombëtare "Filipi i Dytë" me qëllim që, siç thuhet, të ruhet terreni i arenës për ndeshjën në kuadër të Ligës së Evropës që Vardari do ta luajë me Rozenborgun më 7 dhjetor.
Fillimi i ndeshjes së nesërme mes Vardarit dhe Shkupit është në orën 13, ndërsa ndeshja kthyese do të luhet më 17 dhjetor në stadiumin në Çair.
Fituesi nga këto dy ndeshje në çerekfinale do të luajë me Shkëndijën.